Enfin es la coupo dóu mounde !
Dins tóuti li païs, a coumença la roundo ; li baloun soun sourti, lis estàde prepara ; la tepo, bèn penchinado entre li ligno blanco, semblo deja senti lou jougaire que se clino pèr ramassa la glòri e culi li  »Bravo ». Pèr un tir bèn centra o un drible au galop, li jougaire soun tesa ; chascun soun aversàri. Lis arbitre, serious coume di coumessàri, lou siblet arrougant, semblon parti en guerro, emé si couleicioun de cartoun de coulour. Lest à tout pèr sauva, dins aquéu jo, soun ounour, li mantenènt clafi de joio e de brut se recampon pèr evita à l’equipo la desbrando. Lis imne naciounau uno fes ausi, lou jo pòu coumença. Es parti ! Improuvisa e, en fin de partido, après un mouloun d’esmai, lou resultat finau que sacro uno nacioun, laisso un marrit-goust i vincu e remet en questioun lou vincèire recouneigu.
D’après un teste de Jan-Louvis CHABERT (felibre sisterounen)
Revira pèr Damien SARLIN (felibre sisterounen)